"Eurovision 2016"-da Azərbaycanın çıxışı bu gecə!
Eurovision 2016 mahnı müsabiqəsi İsveçin paytaxtı Stokholm şəhərində bu gün start götürəcək. Bu gün ilk yarımfinal mərhələsi baş tutacaq. Feat.az xəbər verir ki, təmsilçimiz Səmra Rəhimli məhz ilk yarımfinal günündə çıxış edəcək. Səmra səhnədə 4 rəqqas və 1 bek-vokalçı ilə olacaq. Səmra Azərbaycanı bu gecə "Miracle" (Möcüzə) mahnısı ilə təmsil edəcək və səhnəyə 14-cü çıxacaq.
İlk yarımfinalda Azərbaycanla yanaşı, həmçinin Finlandiya, Yunanıstan, Moldova, Macarıstan, Xorvatiya, Hollandiya, Ermənistan, San Marino, Rusiya, Çexiya, Kipr, Avstriya, Estoniya, Çernoqoriya, İslandiya, Bosniya və Herseqovina və Malta iştirakçıları da yarışacaq.
