Facebook-un sirri faş oldu
Facebook-da milyardlarla istifadəçi üçün hər gün xəbərlər lentinin formalaşdırılması ilə bağlı prinsipin sirləri Britaniya mediasında dərc olunub.
FeaT.Az The Guardian-a istinadən bildirir ki, sən demə, günün əsas hadisələrini Facebook-da hər hansı müvafiq proqram yox, 12 redaktor müəyyənləşdirir. Facebook-un "yalnız xidməti istifadə üçün" qrifli sənədləri buna dəlalət edir.
Redaktorlar 10 məşhur, əsasən də ABŞ-ın informasiya portallarından yararlanırlar. Bundan başqa redaktorlar bəzi mövzuları gündəlik xəbər lentinə daxil etməyə bilərlər.
Facebook rəhbərliyi indiyədək iddia edirdi ki, xəbərlər bir sıra amillər arasında seçilir. Həmin amillər arasında zaman, istifadəçinin fəallığı və onun bəyəndiyi səhifələr və s.-dir ki, bu da avtomatik seçimi ehtiva edir.