İlhamə Quliyeva yeni duet ortağı ilə Moskvada – fotolar
İlhamə Quliyeva yeni duet ortağı ilə Moskvada – fotolar December 3, 2014 0 Comments
Xalq artisti İlhamə Quliyeva Moskvadadır. Müğənni bildirib ki, klip çəkilişləri ilə əlaqədar Moskvaya gedib: “Yeni klipim “Ostankino”nun dəstəyi ilə reallaşacaq. Həmin telekanal tərəfindən aldığım dəvəti mənim sənətimə verilən dəyər kimi qiymətləndirirəm. Klip müasir avadanlıqlarla çəkilir. Bu klipin çəkilişinə Rusiyanın ən nüfuzlu rejissorları, ssenaristləri, operatorları da cəlb olunub. Kliplərin içərisində bir duet də var, duet ortağımın adını isə klip tam hazır olandan sonra açıqlayacam. Bu klip bir sənət incisi kimi tamaşaçılara təqdim olunacaq. Klipə həm Moskvada, həm də vətənimdə təqdimat keçirəcəm”.
Bu arada İ.Quliyevanın yeni duet ortağı məlum olub. İ.Quliyeva müğənni Nuri Sərinləndirici ilə “Sevgi nağılı” adlı mahnını ifa edib.
Onlar mahnıya ekran həyatı vermək üçün Moskvaya gediblər. Bu barədə Nurinin layihələrinə rəhbərlik edən teleaparıcı Lamiyyə Ələkbərqızı məlumat verib: “İlhamə xanımla Nurinin duet oxuması ideyasının təşəbbüskarı mən oldum. Söz və musiqisi Faiq Erola məxsus olan “Sevgi nağılı” mahnısını seçməyənə qədər bir neçə bəstəkarlar öz əsərlərini bizə təqdim etmişdilər. Çox müzakirələrdən sonra komanda olaraq qərar verib bu duetin yazılmasını lazım bildik. Layihəmizin bir başqa özəlliyi də odur ki, duet nə internetdə yerləşdirilib, nə də radio dalğalarında səslənir. Yekdilliklə qərar verdik ki, “Sevgi nağılı”na klipi ilə birgə tanıtım edək. İstəyimizə çatdıq. Moskvada böyük bir yaradıcı heyət ekran işinin çəkilişlərini mükəmməl şəkildə gerçəkləşdirdilər.
Qeyd edək ki, “Sevgi nağılı” nın təmtəraqlı təqdimatı Yeni il ərəfəsində, Bakıda baş tutacaq. Həmin tədbirə media nümayəndələri ilə yanaşı sənət-dünyasının say-seçmə ulduzları da dəvət olunacaq.
