Faydalı Məsləhətlər
Gündəlik həyatımızda rastlaşdığımz bir çox şeylərin qarşısını aşağıda təqdim edəcəyimiz məsləhətlərlə ala bilərsiniz:
Təsəvvür edin mobil telefonunuz və ya başqa əşyanız suya düşüb. Nə narahat olun, nə də həyəcanlanın. Sadəcə həmin əşyanı çıxardıb düyü ilə dolu bir torbanın içinə qoyun. Düyü nəmi özünə çəkdiyi üçün cihazdakı suyu da çəkir.
Əgər saçınıza saqqız yapışıbsa onu kəsməyə tələsməyin. Bir az şokolad əridib saqqızın üzərinə sürtün. Bir neçə dəqiqə sonra saqqız asanlıqla saçınızdan təmizlənəcək.
Gecələr yuxuya getməkdə problem çəkirsiniz? Narahat olmayın, bunun da çarəsi var. Yatmamışdan əvvəl bir fincan təzə sıxılmış limon suyu için və ya bir qaşıq bal yeyin. Sadəcə beləcə səhərə kimi şirin yuxudan ayılmayacaqsınız.
Üzünüzdə civzə problemi varsa, bunun səbəbi yastıq örtüyünüz ola bilər. Ona görə də 2-3 gündən bir yastıq örtüyünü dəyişin.
Boğazınız uzun müddət ağrıyırsa, xiyarı dilimlərə bölərək yeyin. Bu həm boğaz ağrısının, həm də boğazdakı qaşınmanın qarşısını alacaq.
Geyimlərdəki qırmızı şərab ləkəsindən isə ağ şərabdan istifadə edərək xilas ola bilərsiniz.big.az
