Doğru kimi bilinən yanlış məlumatlar
Əksəriyyətin inandığı, lakin heç bir həqiqətə söykənməyən bəzi məlumatları təqdim edirik:
– “Ağıllı telefon”ları bütün gecə elektrik cərəyanına qoşulmuş vəziyyətdə saxlamaq batareyaya zərərlidir”.
Zərərli deyil.
– “Çin səddi kosmosdan adi gözlə görünür”.
Halbuki Çin səddi kosmosdan görünə biləcək qədər böyük deyil. Kosmodan yalnız işıqlar aydın görünür.
– “Timsah bizi qovarsa, xilas olmaq üçün ziqzaq formasında qaçmaq lazımdır”.
Timsahlar quruda nadir hallarda ov edir. Bir timsahın quruda maksimum sürəti saatda 15 km-dir.
– “İnsanlar beyinlərinin sadəcə 10 faizindən istifadə edirlər”.
Yanlışdır. İnsanlar beyinlərinin 100%-i yaxınını istifadə edirlər. Beynimizin istifadə edilməyən nöqtəsi yoxdur. Bəzi hissələri bəzən daha çox, bəzi hissələrə bəzən daha az işləyir.
– “Buğaların qırmızı rəngdən xoşu gəlmir”.
Əslində isə buğaları matadorların hərəkətləri əsəbiləşdirir.
– “İldırım eyni yerə iki dəfə düşə bilməz”.
İldırım eyni yerə dəfələrlə düşə bilər.
– “Özümüzü nasaz hiss edəndə C vitamini qəbul etsək xəstələnmərik”.
Yanlış. Xəstəlik yalnız vitaminsizliklə bağlı deyil.
– “Yanacaqdoldurma stansiyalarında mobil telefondan istifadə etmək təhlükəlidir”.
Bu günə qədər YDM-lərdə mobil telefona görə hansısa partlayış və ya yanğın hadisəsi qeydə alınmayıb.
– “Suşi yaponca “çiy balıq” deməkdir”.
Suşi yaponca “duzlu düyü” mənasını verir.
– “Milçəyin ömrü 24 saatdır”.
Milçəklərin ömrü təxminən 1 aydır.
– “Dovşanların daha çox kökdən xoşu gəlir”.
Bu, sadəcə cizgi filmlərində belədir. Əslində dovşanlar daha çox göyərti yeməyi xoşlayır.
– Sezar salatının adı məşhur Roma imperatoru Yuli Sezarın adından götürülüb.
Bu salatı 1924-cü ildə Sezar Kardini adlı italyan aşpaz hazırlayıb. Salat da aşpaza görə belə adlandırılıb.
trend