“Pokemon Go” oyunu “Apple Watch”da!

Dünəndən başlayaraq populyar “Pokemon GO” oyununun versiyası “Apple Watch” cihazlarının sahibləri üçün də əlçatan olub.Bu barədə məlumat “The Verge” portalında yerləşdirilib.

Artıq “Apple Watch” sahibləri öz cihazlarında ən populyar “Pokemon GO” oyununu oynaya biləcəklər. İstehsalçılar bu oyunun hələ payızda çıxacağını anons etmişdi, ancaq “ağıllı” saatlar üçün populyar oyunun Yeni il ərəfəsində istifadəsi mümkün olub.

Bu versiya tam oyun deyil, çünki “Apple Watch”dakı bəzi imkanların bu cihaz üçün istifadəsi mümkün deyil. Belə ki, “ağıllı” saatlarda istifadəçi pokemonların olduğu yerləri tapa, virtual əşyaları toplaya bilir. Ancaq yeni personajın tutulması üçün “iPhone”dan istifadə etməli olacaqlar.

“Pokemon Go” oyununun versiyasını ancaq “Apple” məhsullarında istifadə etmək olar. Oyunun digər istehsalçıların “ağıllı” saatlarında oynanılması hələlik təqdim edilmir.
lent.az