Meyvə-tərəvəzlərin düzgün yuyulma QAYDASI
Meyvə və tərəvəzlərin içində olan bəzi vitaminlər su iə birgə axıb gedir. Buna görə meyvə və tərəvəzlər axan gur suyun altında uzun müddət yuyulmamalıdır.
Tərəvəzləri bütov halı ilə suya basaraq yumaq lazımdır. Dilimlərə ayırıb sonra yumaqla içindəki vitaminlər ölə bilər. Tərəvəzlər bişirilməzdən əvvəl bıçaqla, ya əllə böyük tikələrə bölünməlidir. Nə qədər böyük tikələrə bölünərsə, vitamin dəyəri bir o qədər aşağı düşər.
Yemək bişirərkən qazanın ağzını bağlı saxlamaq lazımdır. Bununla buxar itməz və yeməyin bişmə müddəti qısa olar. Tərəvəz və meyvələr mümkün olduğu qədər qısa müddətdə bişirilməli və diriliyi saxlanmalıdır. Çünki B və C vitaminləri istiliyin təsirindən çox tez yox ola bilər.
İspanaq, brokoli, kələm, balqabaq, badımcan kimi tərəvəzlər ən az 10 dəqiqə bişirilməlidir. Lobyanın da 20 dəqiqə bişirilməsi bəsdir. Tərəvəz, makaron və quru paxlalıların bişirildiyi suları kənara atmayın. Onları sous olaraq hazırladığınız yeməyin üzərinə tökməklə yeməyin dəyərini artıra bilərsiniz.
Meyvələrin qabıqlarını soymaq lazımdırsa, mümkün olduğu qədər nazik soyulmalıdır. Qabığın tam altında çoxlu vitamin və minerallar var. Tərəvəz və meyvələrin daxilində vitamin və mineral nisbətən azdır.
Qatığın suyunun süzülməsi zamanı B2 vitamini itkisinə yol vermiş olursunuz. B2 bədəndə xüsusi funksiyaları yerinə yetirən vitamindir.
Meyvə və tərəvəzləri soyuducuya qoyaraq soyudursunuzsa, bu, qida dəyərinin daha yavaş itkisinə səbəb olacaq. Çünki soyutmaq vitamin və şəkəri yox edən xarab olma reaksiyasını yavaşladır.
