KINAYƏLI GÜLÜŞ
Deyirsən-"gəl susma,bir cavab söylə",
Susmağın özü bir cavab deyilmi?
Danışmaq "gümüşsə",susmaq "qızıldır!"
Günahdan qaçmaq da savab deyilmi?
Sənin sualların durub qəsdinə,
Hənirti duymurdum tər nəfəsində.
Sən sual edirdin sual üstünə,
Mən isə gülürdüm hər dəfəsində.
Mənim susqunluğum acizlik deyil!
Biri "od" olanda,biri "su" olar!
Çətin sualların cavabı varsa,
Cavabsız qalarmı "adi"suallar?
Elə üzgün-üzgün baxma üzümə,
Axı nə dedim ki,xətrinə dəydi?
Sənin sualının düzgün cavabı,
Mənim "kinayəli"gülüşümdəydi!
