Ədəb nurdur
Ədəb timsalı olan " Mövlana " ədəb haqqında belə buyurur: - Bütün aləm ədəbinə görə nurla dolmuşdur. Mələk də ədəbinə görə məsum və təmiz qalmışdır. Bədən əhli olanların qatında isə ədəb batinidir. Çünki onların qəlbi gizli şeyləri kəşf edər. Sən isə əksinə, bəsirəti kor olanların hüzuruna mövqelərinə görə ədəb və tərbiyə ilə gəlir və məclisin ən aşağısından oturarsan. Qəlb gözü görənlərin qarşısında adəbi tərk edir və bu səbəbdən də şəhvət atəşinə odun olursan. Allahın saf bir quluna qarşı ədəbsiz sözlər söyləmək qəlbi öldürər və əməl dəftərini qaraldar. Seçilmiş insanlara qarşı hər cür ədəb necə məqbul olar? Allah dostlarına hər hərəkət xoş gəlməz. Onlara qarşı lazım olan ədəb yerinə yetirilmədikcə mənəviyyatlarından necə yararlanacaqsan? Ədəbdən qaçanlar mərdliyin və mərdlərin üzünün suyunu tökmüş olarlar. Ədəbsiz bir şəxsin pislik etməsi yalnız özünə toxunmaz, bəlkə də bütün aləmə atəş verər. Allahdan bizi ədəb mövzusunda uğurlu etməsini istəyək. Çünki ədəbsizlər Allahın yardımından məhrumdurlar. Bil ki, ədəb insanın bədənindəki ruhdur. Ədəb Allah dostlarının gözlərinin və qəlblərinin nurudur. Əgər şeytanın başını əzmək istəsən, gözünü aç və gör! şeytanın qatili ədəbdir. Hər kimin ədəbdən nəsibi yoxdursa, o, insan deyildir. Allahın kitabı olan Qurani-Kərimə gözünü aç və bax! Görəcəksən ki, o, ayə-ayə ədəbdən ibarətdir. Ədəblə yaşayaq ki, imanla ölüm nəsib olsun. İmanla ölək ki, namizəd olduğumuz ədəbi saədəti qazana bilək. Ədəbsizlərin nəsibi atəşdir: həm bu dünyada, həm də axirətdə. Gənclik çağının zövq-səfası tez keçər. Əslində, gəncliyin nəfsani zövqləri də zəhərli bala bənzər. Bİr üzüm yedizdirər, yüz yumruq vurar. " Mövlana " bir qəzəlində belə deyir: " İman nədir? " deyə ağıldan soruşdum. Ağıl qəlbimin qulağına " İman ədəbdir " dedi. Ey Şəms Təbrizi! Sən İlahi bir sirsən, sus! Dünya gecələrini aydınladacaq işıqların ən parlağı və xeyirlisi ədəbdir.
