70 ölkədə 70 dəfə toy edən çılğın cütlük - FOTOLAR
Harada evlənəcəklərinə qərar verməyən cütlük əllərində olan hər şeyi satıb 70 ölkədə 70 dəfə toy edib.
Qafqazinfo xarici KİV-ə istinadən xəbər verir ki, İngiltərədə yaşayan Alex Pelling və Lisa Gantın gəzdiyi ölkələr içərisində Argentina, Mərakeş, Avstraliya, Cənubi Afrika, İordaniya belə var. Dünya mədəniyyəti və ölkələrin kültürü ilə yaxından tanış olmaq üçün qitələri dolaşan romantik cütlük səyahətlərinin sonunda ən çox bəyəndikləri yerdə ailələrin iştirakı ilə rəsmi nigah mərasimi təşkil edəcəklərini də deyib: “Səyahətə başladıqdan 2 il və 48 toydan sonra anladıq ki, əslində həyat çatacağın son nöqtə yox, elə səyahətin özüdür”.
Cütlük səyahət boyu ən çox pul yanacağa və viza üçün sərf edib. Çəkilən bütün şəkilləri “2 insan 1 həyat” bloqlarında paylaşan Alex və Lisa bu səyahətin onların həyatında unudulmaz bir iz qoyduğunu deyib.
Gənc cütlüyün evləndiyi 70 ölkədən seçdiyimiz fotoları sizə təqdim edirik:
