Qoz-fındıqlı snikers tortu resepti
Tərkibi:
300 q un
1 çimdik duz
130 q şəkər pudrası
230 q kərə yağı
170 q qatılaşdırılmış süd (bişirilmiş)
300 q şokolad
100 q qoz
100 q fındıq
Hazırlanması:
125 q kərə yağı, duz və şəkəri qarışdırın. Un qatıb qarışdırın. Yağlanmış dərin tavaya tökün. Üstünü hamarlayın.
Qızdırılmış sobada 20-30 dəqiqə bişirin.
Krem üçün: kərə yağının qalanını və qaynadılmış qatılaşdırılmış südü bir qazançada qarışdırın. Ocağın üstünə qoyun, eynicinsli kütlə alınanadək daim qarışdırın. Sonra ocaqdan götürüb çalın. Kremi isti-isti korjun üstünə çəkin. Soyudun.
Şokoladı su hamamında əridin. Xırdalanmış qoz-fındıq əlavə edin. Qarışdırıb tortun üstünə çəkin. Hamarlayın. Soyudun. Üstünə qoz-fındıq səpin.
Nuş olsun!
