Həzrət Məhəmməd Peyğəmbərin (s) neçə əmisi olub?

İslam Peyğəmbərinin babası Əbdülmüttəlibin övladlarının sayı və adı barədə məlumatlar fərqlidir. Onun 5 və ya 6 qadınla evləndiyini, bunlardan 16-dan 19-a kimi övlad sahibi olduğunu yazırlar.

Qızlarının sayı 6, oğullarının sayı isə müxtəlif rəvayətlərə görə, 10-dan 14-ə kimidir. Müxtəlif mənbələrdə Peyğəmbərin əmilərinin adını Haris, Zübeyr, Əbdülüzza (Əbu Ləhəb), Abdullah, Əbdi-mənaf (Əbu Talib), Həmzə, Abbas, Müqəvvim, Zirar, Ğeydaq, Avvam, Qüsəm, Həcəl, Əbdülkəbə kimi qeyd etmişlər (axırıncı üçü kiçik yaşlarında vəfat etmişdir). Bunların ən böyüyü Haris, ən kiçiyi Abbasdır.