"Sumqayıt"ın növbəti transferi

2016/2017 mövsümü üçün transfer çalışmalarını davam etdirən "Sumqayıt" daha bir futbolçu ilə müqavilə imzalayıb. Feat.az klubun rəsmi saytına istinadən xəbər verir ki, “gənclik şəhəri” təmsilçisi son olaraq "Rəvan"da çıxış etmiş Ruslan Tağızadə ilə güclənib.

“Sumqayıt” adıçəkilən müdafiəçi ilə 1 illik sözləşməyə qol çəkib. Tağızadə əvvəllər Azərbaycanın U-17, U-19 və U-21 millilərinin formalarını geyinib.

Qeyd edək ki, "Sumqayıt" yay fasiləsində həmçinin Fərhad Vəliyev, Budaq Nəsirov və Kamran Abdullazadəni transfer edib.