“Ana uşaqları”

Hesablamalara görə, cəmiyyətdə yetkin yaşlı kişilərin 27 fazinin “ana uşaqları” təşkil edirlər. Onlar ailə məsuliyyətini öz üzərlərinə götürmək üçün gərəkən keyfiyyətlərə yiyələnməmiş adamlardır. Ana uşaqlarının üç tipi göstərilir:

1. “Uşaq-kişilər” – onların hər cür mühüm addımına valideynlər nəzarət edir. Onlar üçün həyat yoldaşını da özləri deyil, anaları seçir.


2. “Acizlər” – birincilər qədər olmasa da, valideyn hakimiyyətində qalmaqdadılar. Bu cür davranış əksər hallara gəlin-qayınana probleminin yaranmasının əsas səbəbi olur. İkitirəli oyun aparırlar. Konkret olaraq nə arvadın, nə ananın tərəfində durmurlar. Onların qətiyyətsizliyi üzündən gəlin-qayınana münasibəti gərginləşir və uzun müddət belə davam edir.


3. “Aralıq qrup” – bunlar ana ilə olan münasibətlərini həyat yoldaşına yansıdırlar. Nəticədə, birinci və ikinci analıq fenomenləri yaranır. Gəlin-qaynana münasibətlərini bu adamlar sanki iki ananın rəqabəti kimi görürlər.

Hər üç qrup üçün anadan mənəvi cəhətdən kifayət səviyyədə ayrılmamaq səciyyəvidir. Bu isə mənəvi və emosional baxımdan yetkinləşməyə imkan vermir. Mənəvi yetkinlik üçün insanın valideynlərdən kifayət səviyyədə mənəvi ayrılaşması zəruridir. Bu, valideynə sevginin itməsi, yaxud valideyndən üz çevrimə deyil. Mənəvi müstəqillik, həyat yükünü öz çiyninə alma məsələsidir.