Ya Vəliyyəllah
Məqamın aləmə darüş-şəfadır,ya Vəliyyəllah, Bizə ismin sənin vəfadır,ya Vəliyyəllah. Sənin həq xidmətində qiymətin bimislidir billah, Ki kəlmən dəhrdən hədsiz bəhadır,ya Vəliyyəllah. Səni peyğəmbəri-aləm cəhanə canişin etdi, Ayağın dəydiyi yer ba səfadır,ya Vəliyyəllah. Nə sözlər söyləyim vəsfində kim, Allah edib tərif, Misalı bu yetər ki, «hələta»dır,ya Vəliyyəllah. Əmirəlmömininsən, dünyəvü aləm sənə çakər, Sənin rahində can vermək rəvadır,ya Vəliyyəllah. Həsən ilə Hüseynin oldu meyar zöhdü təqvadə, Ki zatı onların Şiri-Xudadır,ya Vəliyyəllah. Əliyyəl Mürtəzasən xidmətində cümlə insü cin, Gözün ey-Nəbi, Xeyrənnisadır,ya Vəliyyəllah. Hacı Soltan səni səndən dilər ey şiələr şahi, Bu bimarə nəzər qıl mübtəladır,ya Vəliyyəllah. |
Kitabın adı: Mən Əli (ə) Şairiyəm
Müəllif: Axund Hacı Soltan
Müəllif: Axund Hacı Soltan