Torpaq Çərşənbəniz Mübarək Olsun

17 Mart 2020
20 868
6
Torpaq Çərşənbəniz Mübarək Olsun


Torpaq Çərşənbəniz Mübarək Olsun

Bu gün Azərbaycanda Novruz çərşənbələrindən sonuncusu,

Torpaq çərşənbəsi

qeyd olunur.

Bu çərşənbə el arasında
"Yer çərşənbəsi", "İlaxır Çərşənbə" və ya "Torpaq çərşənbəsi" kimi adlandırılır.



İnanclara görə, Novruz bayramı ərəfəsi, sonuncu çərşənbədə yer oyanır, torpaq nəfəs alır.

İlaxır çərşənbədə bağ-bostan yerləri əkinə hazırlanır. Evlərdə süfrəyə təbiətin canlanmasının rəmzi olan səməni qoyulur.

İlaxır çərşənbədə hamı 7 dəfə - ya 1 tonqalın üstündən 7 dəfə və yaxud da 7 tonqalın hərəsinin üstündən 1 dəfə tullanmalıdır. Tonqalın üzərindən tullanarkən bu sözlər deyilməlidir:
"Sarılığım sənə, qırmızılığın mənə", yaxud da "Ağırlığım odda yansın".



Tonqal su ilə söndürülməməlidir. Tonqal özü sönəndən sonra isə cavan qız və oğlanlar tonqalın külünü yığıb, evdən kənar yerə atırlar. İnanca görə, bu o deməkdir ki, tonqalın üstündən tullanan bütün ailə üzvlərinin bədbəxtçiliyi atılan küllə birlikdə ailədən uzaqlaşdırılır.

Torpaq çərşənbəsində bayram süfrəsi açılır, şirniyyat bişirilir, məcməyi və sinilərdə xonça hazırlanır. Bayram xonçasının ortasına səməni qoyulur, ətrafı isə boyanmış yumurta, qoz, fındıq, badam və şirniyyatlarla bəzədilir. Deyilənə görə, ilin axır çərşənbə gecəsini hamı öz evində qeyd etməlidir. Əks halda Novruzu yeddi il dalbadal başqa yerdə qarşılaya bilərsən. İlaxır çərşənbə axşamı qulaq falları qurulur. Subaylar qonşu evlərin qapısının arxasında gizlənərək ilk eşitdikləri sözə uyğun təzə ildə onları gözləyən hadisələri öncədən bilməyə çalışırlar. Bu səbəbdən də, axır çərşənbə axşamı ancaq yaxşı sözlər danışılması adət hesab olunur.

Qeyd edək ki, bu il Azərbaycana bahar martın 20-də, Bakı vaxtı ilə saat 08.30 radələrində gələcək. Martın 19-da Günəş səmanın cənub yarımkürəsindən şimal yarımkürəsinə keçid edəcək. Həmin an Günəş Yerin hərəkət müstəvisi ilə Yerin ekvator müstəvisinin kəsişdiyi nöqtədə olacaq. Bu nöqtəyə astronomiyada
"yaz bərabərliyi nöqtəsi" deyilir. Günəş həmin nöqtədə olanda gecə və gündüz bərabərliyi qeydə alınacaq. Həmin andan başlayaraq, şimal yarımkürəsində astronomik bahar başlayır və bu, iyunun 21-dək davam edir.






RƏYLƏR
Agaeva
Gec de olsa Bayraminiz mubarək neçə bele illere çixasiz sevdiyleriniznen bir yerde çox Şukur il axir çerşenbesini yaxşı keçirdik tonqalin ustunden hoppandid xonça bezedik her kese xoş gunler arzulayiram baharin teraveti uzunuze dolsun çox sağolun xeber uçun əməyinize sağliq
Bella
  • Bella
  • 15 Mart 2016 23:43
Əziz, dəyərli userlər mən də təbriklərə qoşularaq Sizləri Torpaq çərşənbəsi və qarşıdan gələn Novruz bayramı münasibətilə təbrik edir, cansağlığı, uzun ömür arzu edirəm. Həmişə belə bahar təravətli, bahar nəfəsli olasız və sevincli günlər yaşayasız. Qoy həmişə həyatınız həmişə belə şad, xürrəm keçsin, üzünüzdən təbəssüm, süfrənizdən isə ruzi- bərəkət əskik olmasın. Neçə belə bayramları bir yerdə qeyd edək. Bir daha bayramınız mübarək!
Sonda isə xəbər müəllifinə təşəkkürümü bildirirəm. Diqqətinə və əziyyətinə görə sağ ol.) 64
SEHRI
  • SEHRI
  • 15 Mart 2016 22:45
Axır çərşənbəniz mübarək.Uzun ömür can sağlığı arzu edirəm hamıya.Ölkəmizdə daim sülh olsun.
allah bendesi
oncelikle FeaT Az ailem ve butun azerbaycan xalqinin bayrami mubarek!!!nece nece illere inshALLAH saglam ve belalardan uzaq..bayramlari o qeder hevesle gozleyirdim ama iki ildi artiq hevessiz oluram..bu inanclarasa hec inanmiram..geleneydide birtek tebietin canlanmasina yazin gelmesine sevinirem:))xeber ucun coxx sag ol baci ellerin var olsun :*
ceyla
  • ceyla
  • 15 Mart 2016 13:56
sizinle bahem mende butun Feat userlerin tebrik edirem can sagligi bol ruzi arzu edirem 64
Princess
Çox sağolun,sizinlə bahəm..) Hər kəsi təbrik edirəm.. request

Bu il nəsə bayram maraqlı gəlmir) Bəlkədə tək qaldığım üçün belədi..Bayramı sadəcə 3 gün evdə istirahət edəcəyim üçün səbirsizliklə gözləyirəm)