Qarağatlı vatruşka (foto-resept)

Tərkibi:

xəmir:

300 ml süd
10 q quru maya
100 q yağ
1 çimdik duz
3 x.q. şəkər tozu
un - aldığı qədər

iç:

qırmızı qarağat
şəkər tozu

Hazırlanması:

Mayanı isti süddə, yağı isə su hamamında əridin.
Unun bir hissəsini şəkər tozu və duzla qarışdırın, mayalı südü, ərinmiş yağı əlavə edib qarışdırın. Az-az un əlavə edərək elastik xəmir yoğurun.
Xəmiri 1 saat saxlayın. Bu müddətdə 2 dəfə ətləyin.

Xəmiri qalın kolbasa formasına salın. İti bıçaqla dilimləyin. Ortasını basıb kənarlarını azca qaldırın. Ortasına qırmızı qarağat töküb şəkər tozu səpin.

Kənarlarına yumurta çəkin. 180 dərəcə qızdırılmış sobada kənarları qızaranadək bişirin.

Hazır olandan sonra üzərinə şəkər pudrası səpin.









Nuş olsun!