Hindistanın mavi əfsanəsi
Hindistan çox qədim və əsrarəngiz məkan sayılır. Hələ qədim dövrlərdən gələn hind fəlsəfəsi insanları çox düşündürüb. Turizm imkanları ilə seçilən bu ölkənin havası ədviyyat qoxuyur. Turistlərin təbirincə desək bu ətir ölkənin spesifik ətridir. Bir-bir birindən fərqli və tarixi şəhərləri olan bu ölkə əksər turistin gəzmək istədiyi ölkələr siyahısındadır.
Bu gün FeaT.aZ Ans Press-ə istinadən sizlərə Hindistanın mavi şəhəri Racastan əyalətində yerləşən Codxpur haqqında məlumat verir. Bu şəhər öz mavi rəngi ilə bötün turistləri özünə maqnit kimi çəkir.
Şəhərin mavi rəngdə olmasının səbəbi isə Hindistanda ən üst sinif olan Brahmanların burada yaşamasıdır. Rəvayətə görə qədim zamanalarda Brahmanlar özlərini digər sinif nümyəndələrindən fərqləndirmək üçün öz evlərini mavi rəngə boyayırdılar. Lakin zaman keçdikcə bu hal ənənə halına keçmiş və bütün əhali evlərini maviyə boyamışdır. Evlərin mavi rəngə boyanmasının digər səbəbi mavi rəngin ağcaqanadlardan qoruması və sərin saxlaması düşüncəsi idi.
Codxpur Hindistanın digər əyalətləri ilə müqayisədə 1.5 miliyon əhalisi olan çox sakit bir şəhərdir.
İtisadiyyatının əsasını mebel istehsalı təşkil edir. Bu demək olar ki əhalinin əsas dolanışacaq yeridir. Mebel istehsalından başqa ipək başmaq istehsalı və zinyət əşyaları sahəsində də bu şəhər öndə gedənlərdəndir.
Şəhərin ən möhtəşəm yeri isə Mehranqar qalasıdır. Qala 1459-cu ildə inşa edilmiş bir dəfə belə olsun işğala məruz qalmamışdır.
Qalanın necə tikilməsi haqqında olan maraqlı rəvayətə görə, Rao Codxa adında bir kral heç kimin fəth edə bilməyəcəyi bir qala tikdirmək istəyir və bunun üçün indiki qalanın yerini seçir. Lakin burada yaşayan Çidiyavale adlı müdrük qoca yaşadığı yeri tərk etmək istəmir. Zor gücünə ordan çıxarılan qoca bütün əyaləti lənətləyir. Kral bu lənəti götürməsini Çidiyavaledən rica etsə də o, bunun qarşılığı olaraq bir qurban tələb edilir. Çarə olaraq Racaram Meqval adlı bir sərkərdə könüllü olaraq qurban olmağa razı olur və qalada diri-diri basdırılır. Qalanın içərisində sərkərdənin şərəfinə qoyulan abidə turristlərin ziyarət etdiyi məkanlardan biridir.
Digər rəvayət isə qalanın içərisində yerləşən əl izləri olan divar haqqındadır.Belə ki, qədim zamanlarda döyüşlərdə həlak olan döyüşçülərin arvadlarıda onlarla bərabər diri-diri yandırılırdı. Bu əl izləri isə həmin qadınların qalaya girib yandırılmazdan qabaq divara həkk edilən yadigarlarıdır.
