Eldar Ryazanov’un xatirəsinə: 6 ən gözəl filmi
Eldar Ryazanov - Rusiya və Sovet kinorejissoru, ssenarist, aktyor, prodüser və şairi. SSRİ xalq artisti.Yəqin ki, rus kinomatoqrafiyasının ən xalqa yaxın olan kinorejissorlarındandır. Əgər onun adı filmin heyəti arasında yazılıbsa, həmin filmə baxmaq istəyənlərin sayı-hesabı olmur. Nəsillər dəyişsə də, Ryazanov öz filmləriylə hər kəsi sevimlisi qalmağı bacaran rejissorlardandır.Xatırlaqdaq ki,dünən yəni 30 Noyabrda dünyasını dəyişib.Görkəmli rejissorun xatirəsini bir-birindən maraqlı filmləriylə yad etmək üçün, ən sevilən 6 filmini sizə təqdim edirik:
İşdə məhəbbət macərası (“Служебный роман”)
Bu film həmin o filmlərdəndir ki, dəfələrlə baxmağınıza baxmayaraq, bir daha böyük həvəslə baxmaq istəyəcəksiniz. Hər dəfə izlədikdə, gülməli və maraqlı olmağı bacaran bu filmdə sevimli aktyorlar, xarizmatik obrazlar, maraqlı replikalar, mükəmməl musiqi və şeirlər, parlaq kadrlar var. Bu film əsl şedevrdir.
Qəribə təsadüf və ya həmişə təmizlikdə! (“Ирония судьбы, или С легким паром!”)
Bu kult filmi bizim yeni il ərəfəsində etdiyimiz şeylərin ayrılmaz bir hissəsinə çevrilib. Sanki hər yeni il ərəfəsində bu filmə mütləq baxmalı, obrazlarla birlikdə sevinməli, gülməli və bəzən də kədərlənməliyik. İnsanları bir-birinə yaxınlaşdırmaq kimi gücü olan bu mükəmməl film nəsillərin dəyişməsinə baxmayaraq hələ də öz aktuallığını qoruyur.
Qəddar romans (“Жестокий романс”)
«Qəddar romans» — Sovet filmlərinin ən xüsusilərindən biridir. Rejissor bu filmi elə professionallıqla çəkməyi bacarmışdır ki, 30 ildən artıqdır vaxt keçməsinə baxmayaraq, hər kəs bu filmi böyük maraqla izləməyə davam edir.
Qaraj (“Гараж”)
Hadisələr qapalı məkanda, müxtəlif siniflərdən olan insanlarla dolu atmosferdə baş verir. Kişilər və qadınlar, institut işçiləri və sair insanlar sovet insanı üçün olduqca vacib sual ətrafında müzakirələr aparırlar – kim qarajın sahibi olmalıdır, kim isə bütün bunlara layiq deyil. Bu filmin yaranmasına Ryazanovu həqiqətən də qaraj korporativinin yığıncağı ilhamlandırmışdı. Aktyor oyunu, kamera quruluşu və dialoqların dəqiqliyindən isə saatlarla danışmaq mümkündür.
Avtomobildən qorun (“Берегись автомобиля”)
Bu filmi sovet filmləri arasında ən birinci, maraqlı və gülməli detektiv adlandırmaq olar. Bu filmdən olan ifadələr artıq illərdir ki, insanların gündəlik danışıqlarında istifadə edilən hala gəlib.
Karnaval gecəsi (“Карнавальная ночь”)
Eldar Ryazanov əsrlik şedevr yaradıb. Karnaval gecəsi əsl pozitiv mənbəyidir. Gənc və məftunedici Lyudmila Qurçenkonun oxuduğu mahnının sözlərinə inansanız, bu film sizi tamamilə başqa üfüqlərə apara bilər.
Pahoo.az