Hər Həftə Bir Kitab Oxumağa Nail Olmaq Üçün 6 Tövsiyə
Hər həftə bir kitab oxumaq qarşısınıza məqsəd qoymusunuz və bu sizə çətin görünürsə, heç təşvişə düşməyin. Əlbəttə, “Müharibə və Sülh”ü bir həftəyə oxuyub bitirə bilməzsiniz. Lakin, bir çox kitab üçün bu mümkündür. Sizə sadəcə bir neçə üsulu öyrənmək və onları düzgün tətbiq etmək lazımdır.
Sizə bu işdə kömək edəcək 6 tövsiyəni təqdim edirik:
Mütaliə planı tərtib edin
Oxumaq istədiyiniz kitabı əvvəlcədən müəyyənləşdirin. Bu məqsədinizə tez çatmaq üçün ən vacib addımlardan biridir. Çünki, bir çoxumuz oxumaq istədiyim kitabların siyahısını dayanmadan artırırıq və bu da çoxluq içində çaşqınlıq yaşamağa səbəb olur.
Sizə maraqlı olan düzgün kitablar seçin
Əgər mövzu sizə maraqlı deyilsə, həmin kitabı oxumaq da olduqca çətin olacaq. İlk əvvəl sizə maraqlı olan mövzuları müəyyənləşdirməli, daha sonra həmin üslubda və ya sahədə yazılmış kitabları araşdırmalısınız. Bu bir az vaxtınızı alsa da, daha sonra işinizi asanlaşdıracaq. Həm maraqlı kitab oxumuş olacaqsınız, həm də yeni bir çox məlumat əldə edəcəksiniz. “50” səhifə prinsipinə uyğun hərəkət edin. Bu prinsipə görə, əgər kitabın ilk 50 səhifəsini bəyənmədinizsə, çətin ki daha sonra onu bəyənəsiniz.
Kiçik addımlarla irəliləyin
Əgər kitabın həcmi böyükdürsə, onu bir həftəyə oxumaq sizə çətin gələ bilər. Qarşınızda duran vəzifəni daha aydın anlamaq üçün, kitabın ümumi səhifələrinin sayını 6-ya bölün və gün ərzində alınan rəqəm qədər səhifə oxumağı hədəf seçin. Bir günü isə beyniniz üçün istirahət günü elan edin.
Xüsusi vaxt
Vaxt azlığı hər bir şey üçün əsas problemdir. Biz öz xobbilərimizlə məşğul olmaq üçün vaxt tapa bilmir, tapdıqda isə özümüzü sevdiyimiz şeylə məşğul olduğumuza görə sanki günahkar hiss edirik. Siz də belə etməyin. Kitab oxumaq üçün xüsusi vaxt ayırın və bu vaxt ərzində başqa heç nə ilə məşğul olmayın. Diqqətinizi yayındaracaq hər şeyi uzaqda saxlayın.
Elastik cədvəl
Kitabların səhifə sayı bir-birindən kəskin şəkildə fərqlənə bilər. Bəzi kitablar 300, digərləri isə daha böyük ola bilər. Bu cür kitabları bir həftə ərzində oxumaq mümkün deyil. Hətta bu mümkün olsa da, beyini bu qədər yükləmək sizə fayda verməz. Bəzi kitablar üçün cədvəlinizdə dəyişiklik etməyə və onlara daha çox vaxt ayırmağa hazır olun.
Boş vaxtınızı mütaliəyə ayırın
Boş vaxtınız olan kimi kitabın bir neçə səhifəsini oxuyun. Bu cür kiçik oxularla siz gün ərzində oxumalı olduğunuz materialı daha da asanlaşdıra bilərsiniz.
Pahoo.az