Yağışı Sevənlərin Daha Xoşbəxt Olmasının 4 Səbəbi
Siz də göydən damlaları düşməyə başladığı zaman sevinənlərdənsinizmi? Yağışlı günlər deyildiyi zaman beyninizdə yorğan, isti çay və gözəl kitabın xəyalı canlanırmı? Əgər belədirsə, deməli siz də pluviofil qəbiləsinə daxilsiniz. Pluviofil yağışdan zövq alan insana deyirlər. Əgər siz yağış yağdığı zaman islandığınız və üşüdünüz üçün deyinənlərdənsinizsə, yağışsevərlər bu cür gözəl təbiət hadisəsini necə sevmədiyinizə çox təəccüblənəcəklər.. Əgər pluviofilsinizsə, təkcə yağış yağmasına sevinmir, həm də yağışlı günləri digər bütün günlərdən daha üstün hesab edirsiniz və bu günlər sizi xoşbəxt edir. Beləliklə də, yağışı sevənlərin daha xoşbəxt olmasının 7 səbəbi:
1. Həyatı tam yaşamaq məsələsində daha uğurlu olurlar
Yağışı sevən insanlar öz təcrübələrindən zövq alan insanlardır. Yağışı bütün detalları, canılığıyla izah edib, yağış damlasının pəncərəyə toxunmasını heyranedici bir şəkildə təsvir edə bilərlər. Pluviofillər yağışdan sonra yaranan qoxunu çox sevirlər. Hətta, yağış suyunun dadını da bilən bu insanlar, göydən damlalar düşdüyü zaman əllərini sevinclə havaya qaldırıb, buludlara təşəkkür edəcək qədər sevincli olurlar.
2. Anı yaşayırlar
Bu insanlar şikayət etmək və mənfi bir şey axtarmaqdansa, hər anda bir gözəllik tapmağa çalışır və bir çox hallarda buna nail olurlar. İstənilən məsələyə daha nikbin yanaşır və problemi də dərhal həll etməyə meylli olurlar.
3. Özlərinə inamlıdırlar
Özünüz düşünün: Əgər bir insan yağış yağanda 4 yaşlı bir uşaq kimi ətrafda çılğınca gəzirsə, yəqin ki, başqa insanların nə düşündüyünə çox da əhəmiyyət vermir. Həqiqət də, yağışsevərlər özləri də bu xasiyyətləriylə fəxr edirlər. Belə havada qapalı bir məkanda olmaq keflərini poza bilər. Pluviofillər yağış yağanda, saçları və makiyajları korlansa da, buna əhəmiyyət vermir və heyrətamiz bir şəkildə yenə də gözəl görünürlər.
4. Problemlərin öhdəsindən daha yaxşı gəlirlər
Pluviofillər həyatın çətin məqamlarında “bu da keçəcək” – deməyi üstün tuturlar. Həqiqətən də, çətinliklərin öhdəsindən ləyaqətlə gəlməyi bacarırlar. Unutmurlar ki, göy qurşağının yaranması üçün mütləq əvvəlcə yağış yağmalıdır.
