Unutdum

“Unutdum”

Unutmaq çətindir, bunu bilirəm,
Amma mən unutdum, inanmalısan.
“Nə tez?” sualına cavab verirəm,
İllər keçib oyan, sən çox yatmısan.

Mümkün deyil deyə, bir şey yox məncə,
Səbrli olaraq cəhd etməlisən.
“Heç vaxt unutmayacam səni”, deyincə,
İrəli atılıb, döyüşməlisən.

Çalış and içməyi istəmə məndən,
And içən yalançı olur deyirlər.
Sən ki, tanıyırsan məni əvvəldən,
Dilim ağzımla doğru söz kəsər.

Mən artıq sevmirəm səni, unutma,
Geriyə dönməyi çıxar yadından.
Arxaya baxaraq yolundan qalma,
Yolçu yolda gərək, bil ən azından.

Bir vaxtlar ömrümün qonağı idin,
İndisə küçədən keçən yad biri.
Sən mənim qapımı döyməməliydin,
Səhv etdim buraxdım səni içəri.

Nəyimə lazımsan, dəyərin yoxdur,
Yaşasan ya ölsən, nə önəmi var?
Sənin tək gözəllər hər yerdə çoxdur,
Ağlağan gözlərlə tənlərin arar.

Müəllif: Nicat Babaşov