Bilirsənsə öyrət mənə
Həsrəti öldürən gözəl
Unudmağı öyrət mənə
Sızlayan könül yarasın
Sağaltmağı öyrət mənə
Mən gülməyi unutmuşam
Gülürsənsə öyrət mənə
Sevilməyi unutmuşam
Sevirsənsə öyrət mənə
Eşq yükünü daşımağı,
Səni sənsiz yaşamağı,
Bilirsənsə öyrət mənə
Arzularla yatıb duran
Bir ümiddən dünya quran
İstirabı unutduran
Təbabəti öyrət mənə
Ürəyimi fəth etdiyin
Dərd çəkməyi öyrətdiyin
Gözlərində gizlətdiyin
Şücaəti öyrət mənə
Ömrüm hicrə səlnamədir
Mən bilməm ki sevda nədir
Məhəbbəti öyrət mənə
Əl uzatdım çatanmadım
Əllərindən tutanadım
Qəlbinə yol tapnmadım
Fərasəti öyrət mənə
Qışı bahar sanmaq üçün,
Ayrılığı danmaq üçün,
Ümidə aldanmaq üçün,
Cəhaləti öyrət mənə
Eşqimə atqaz edirsən,
Baharımı yaz edirsən,
Hər görəndə naz deirsən,
Naz etməyi öyrət mənə
Hicrindən döndüm dəliyə
Niyə sevməyirsən niyə
Sənsiz keçən hər saniyə
Ölməyi öyrət mənə
