Rəsmim tək qoruya bilmədin məni!

Eşitdim, dostlardan məni sormusan,
Bir mesaj yazmağa üzün gəlməyib.
Özgə birisilə ailə qurmusan,
Bir dəfə olsa da üzün gülməyib.

Rəsmim tək qoruya bilmədin məni..!

Eşitdim, yamanca peşman olmusan,
Məni terk etdiyin o gündən bəri.
Özgə qollarında tənha qalmısan,
Unuda bilmirsən mənli günləri...

Rəsmim tək qoruya bilmədin məni..!

Eşitdim, arada gözlərin dolur,
Mənli xatirələr düşür yadina.
Ürək də, beyin də yadina salır,
Ölməz xatirələr çatır dadına...

Rəsmim tək qoruya bilmədin məni..!

Eşitdim, hər sabah məyus olmusan,
Gecələr gündüzdən qoparır səni.
Bu cavan yaşında yaşa dolmusan,
Yuxular uzağa aparır səni...

Rəsmim tək qoruya bilmədin məni..!

Eşitdim, üzünü qırışlar basıb,
O mənə etdiyin günahlarındı.
Eşitdim, deyəsən lap ağlın çaşıb,
Hər günah basqa bir sabahlarındı.

Rəsmim tək qoruya bilmədin məni..!

Eşitdim, şeirimi oxuyanda da,
O qara gözlərin dolub nədənsə.
Göz yaşın qarışıb qara telinə,
Üzündə güllərin solub nədənsə...

Rəsmim tək qoruya bilmədin məni..!

Bilirəm, oxuyub hey ağlayırsan,
Daha istəmirəm ağladım səni.
Bilirəm, rəsmimi qucaqlayırsan,
Rəsmim tək qoruya bilmədin məni!