Gəlmə buralara

Onsuz sevməzdin çünki buraları əvvəldən, burda hər şey əvvəlki kimidi, dəyişən heçnə yoxdu zaman xaricində. Bu şəhər, insanları, küçələri. Mən, bəlkə də, əvvəlki kimi deyiləm, amma çox şey qaydasındadı, işdi birdən narahat olarsan deyə deyirəm, olma. Sadəcə biraz gecələr çoxalıb. Biraz həvəs, biraz da sən yoxsan. Bu dəfə olub bitən hər şeyi ayrı-ayrılıqda yazmayacam sənə. Bir düşün istəyirsənsə olmadığın yerləri, asanlıqla təsəvvür edə bilərsən, hər şey son gördüyün kimidi çünki. Özün olmadan buraların necə solğun və kimsəsiz olduğunu görsən əgər üzülmə, çətin olsa da öyrəşmək mümkün oldu. Ya da inanma bu cümləmə. Qurban sənə, nə edirsən et, bircə gəlmə. Gəlib yenə getmək haqqında düşənəsən, bilirəm. Gəlmə qətiyyən.