İndi candan sevdiyim başqasınındır, mənim deyil
Bu gün yarım ayrılır məndən,çıxıb gedir özgəsinə,
Dözmür qəlbim,gedir ağlım,uçur huşum göylərə.
Bədənimdən can ayrılır,gözlərim görəndə getdiyini,
Yaş axır gözlərimdən,bu can dözmür yarın gedişinə.
Yaxın idin,sevdiyim,çox yaxın idin mənə,
Amma indi uzaqsan bu yaralı könlümə.
“Sevmirəm mən” deyirsən,belə olarmı,sevdiyim?
Deyilərmi bu ağır söz səni candan sevənə?!
Aradakı məhəbbət yanır,bir külə dönür,
Sanki aramızdakı sevgi körpüsü heçə dönür.
Elə bil atəşli sevginin sahibi biz deyildik...
Gözlərim o sevgini gözlərində artıq görmür.
Bilirəm,getmə desəm də,qalmayacaqsan burda,
Ürəyim üsyan edir,xəyallarımsa darda.
Hanı?Bəs dar günümdə yanımda olacaqdın?
Sən verdin bu dar günü,indi gedirsən hara?!
Gözlərində sevgi var,amma heyif mənim deyil,
Ürəyində geniş yer ona aiddir,mənə deyil.
Sözlərin sevgi doludur,heyif mənə deyilmir,
İndi candan sevdiyim başqasınındır,mənim deyil...