Təcili Tibbi Yardım Stansiyasında yanğın
Hadisə zamanı bir nəfərin yanmış meyiti tapılıb
Qaradağ rayonunun Sahil qəsəbəsindəki Təcili Tibbi Yardım Stansiyasında yanğın baş verib.
ANS PRESS-in Daxili İşlər Nazirliyinin saytına istinadən verdiyi məlumata görə, hadisə Təcili Tibbi Yardım Stansiyasının zirzəmisində baş verib.
Nəticədə 1,5 kvm. sahədə olan əşyalar yanıb. Yanğın söndürüldükdən sonra orada daimi yaşayış yeri olmayan, tüfeyli həyat tərzi keçirən Arif Rəhimovun yanmış meyiti tapılıb.
Faktla bağlı araşdırma aparılır.
