Facebookda yenilik

Facebook” sosial şəbəkəsi yanvarın sonunda şəxsi videoservisini işə salacaq.

Feat.az-ın məlumatına görə, AzərTAc xarici KİV-lərə istinadla xəbər verir ki, dünyanın ən iri sosial şəbəkələrindən biri - "Facebook” 2015-ci il yanvarın sonunda şəxsi videoservisini işə salacaq. Servis pleylistlərinin formatı və strukturu populyar "YouTube” videohostinqin pleylistlərinə oxşayacaq. Birlik və qrup moderatorlarının videoyazıları və onların məzmununu redaktə etmək imkanı olacaq. Bütün videolar müəyyən mövzular üzrə yerləşəcək.

"Facebook” istifadəçilərinin istənilən videoçarxa baxmaq, habelə "layk" qoymaq və onlayn şərhlər yazmaq imkanı olacaq. İstifadəçi "YouTube”da olduğu kimi, öz ekranında əsas çarxın özünü və əlavə çarxların siyahısını görəcək. Hazırda şirkətin mütəxəssisləri yeni xidməti testdən keçirirlər.
Facebook" sosial şəbəkəsi yaxın günlərdə yeni bir sistemi istifadəyə verəcək.
Deyer.az xəbər verir ki, hazırda üzərində təkmilləşdirmə işləri aparılan "Phone" sistemi istifadəçilərə telefon əlaqəsi saxlamaq imkan verəcək.
Sözügedən sistemdən ilk mərhələdə Android tipli telefonlarda istifadə etmək mümkün olacaq.