Bu xəbər abituriyentlər üçündür - Yaddaşınızı gücləndirin

İmtahana hazırlaşan bəzi abituriyentlər yaddaş gücləndirən dərmanlardan istifadə edir. Lakin mütəxəssislər apardıqları araşdırmalar nəticəsində bu dərmanların sağlamlığa ciddi ziyan vurduğu qənaətinə gəliblər. Məlum olub ki, dərmanın təsiri ilə gücləndirilmiş iş rejiminə keçən və neyronlarının gücünü normadan artıq istifadə edən beyin nəzərdə tutulduğundan daha çox güc itirdiyi üçün, dərmanın təsiri getdikdən sonra əvvəlkindən də gücsüz vəziyyətə düşür. Bundan başqa dərmanlar baş ağrılarına, ürək döyüntülərinin artmasına gətirib çıxarır. Bütün bunları nəzərə alan mütəxəssislər dərman yerinə, sağlam qidalanmanı və beyin məşqləri – yəni xüsusi testlər, çalışmalar etməyi məsləhət görür.