Duaya ehtiyacı olanlar üçün.
Saytımızın üzvləri və qonaqları! Allahın salamı və rəhməti üzərinizə olsun.
Təbii olaraq hər kəsin həyata keçməsini istədiyi duaları, arzuları və istəkləri var. Bu barədə mənə çoxsaylı məktublar gəlmişdir ki, həmin şəxslərin də dualarının qəbulu üçün xəbər hazırlayım. Bildiyiniz kimi hər kəs üçün ayrıca xəbər hazırlayıb sayta verə bilmərik. Amma istəklərinizi nəzərə alaraq dualara ehtiyacı olanlar üçün ümumi xəbər hazırlamağı qərara aldım.
Rəhman və Rəhim olan Allahın adı ilə.
Pərvərdigara, Sənin hər şeyi bürümüş rəhmətinə and verib, Səndən istəyirik, Səni vasitəsi ilə hər şeyə qalib gəldiyin qüvvətinə and veririk. Onun qarşısında hər şey baş əymiş və hər şey xar olmuşdur. Səni vasitəsi ilə hər şeyə qələbə çaldığın cəbərutuna and veririk. Sənin hər şeyi doldurmuş əzəmətinə and veririk. Sənin hər şeydən üstün səltənətinə and veririk. Sənin hər şey fəna olduqdan sonra qalacaq zatına and veririk. Sənin hər şeyin sütunlarını doldurmuş adlarına and veririk. Sənin hər şeyi əhatə etmiş elminə and verib istəyirik. Sənin hər şeyi işıqlandırmış zatının nuruna and verib istəyirik. Ey nur, ey hər eybdən pak, ey əvvəllərin əvvəli və ey axırların axırı. Ey bəndəsindən tez razı olan, İxtiyarında duadan başqa bir şey olmayan kəsin dualarını qəbul et.Butun xestelere şəfa ver. Çünki Sən istədiyini edirsən. Ey adı dəva, zikri şəfa, itaəti qüvvət. Rəhm et o kəsə ki, sərmayəsi ümid silahı göz yaşıdır. Ey nemətləri kamil və firavan olan. Ey bəla və çətinlikləri aradan qaldıran. Ey qaranlıqda qorxuya düşənlərin nuru. Ey oxumamış alim. Muhəmməd (s.ə.v) və ali Muhəmmədə xatir
Saytımızın üzvləri, qonaqları və saytımızdan istifadə edən hər kəsə:
Övlad həsrətində olanlara saleh övladlar bəxş et-Amin
Ziyarət istəyənlərə Məşhəd, Kərbəla, Həcc ziyarətləri qismət et! Amin
Xəstəliyi və xəstəsi olanların xəstəliyinə şəfa ver! Amin
Borcu olanların borcunu ödəmək üçün halaldan bi-minnət ruzi nəsib et! Amin
Həbsdə olanları, həbsdən azad olunması sevincini yaşat! Amin
Evi olmayanlara ev nəsib et! Amin
Acları doyuzdur, susuzları sirab elə! Amin
Rəhmətə gedənlərini qəriqi-rəhmət et! Əhli cənnət et! Amin
Səfərdə olanları, o cümlədən əsgərləri hifs elə! Sağ-salamat evlərinə qaytar! Amin
Çətində olanları, sıxıntılarını aradan qaldır! Amin
Subay xanımlara Hz Əli (ə) qeyrətli, subay bəylərə xanım Zəhra (s.ə) ismətli həyat yoldaşı nəsib et! Amin
Hər kəsin ürəyində nə istəyi varsa öz məsləhət bildiyin və xeyirli olanını qəbul et! Amin
Hacətlərini qəbul et! Amin
Ruzilərin qarşısını alan,bəla gətirən, ömrü azaldan, namaz və ibadətlərin qəbulunun qarşısını alan günahlarımızı bağışla! Amin
Yuxarıda sadalanan və sadalanmayan duaların qəbul olmağı üçün
Peyğəmbər (s.ə.v) və onun pak Əhli-beytinə (ə) dilimizdə 10 dəfə ucalı salavat deyək .
Allahın firavan salamı olsun peyğəmbərinə (s.ə.v) və onun ailəsindən olan pak imamlara.
