Bosniya və Herseqovina "Qarabağ"ın qapıçısı sayəsində finalda!

Yaponiyada milli komandalar arasında ənənəvi “Kirin kuboku” turnirinə start verilib. Feat.Az-ın Apasport.az saytına istinadən məlumatına görə, turnirin ilk yarımfinal matçında Bosniya və Herseqovina Danimarka ilə qarşılaşıb.

“Qarabağ”ın qapıçısı İbrahim Şehiçin əvəzolunmadan keçirdiyi oyun 2:2 hesabı ilə nəticələnib. Bu üzdən finalçını müəyyənləşdirmək üçün penaltilər seriyasına ehtiyac duyulub.

Bu “lotereya”da balkanlılar üstün olub – 4:3.

Qeyd edək ki, Bosniya və Herseqovinanın finaldakı rəqibi az sonra başlayacaq Yaponiya – Bolqarıstan matçında müəyyənləşəcək.