7 həftəlik körpə danışdı ailə şokdadır - VİDEO
Çox ailə körpələrinin tez danışması üçün əllərindən gələni edir. İrlandiyada isə bir neçə həftə öncə doğulan körpə ailəsini heyrətləndirə bilib.
Killian adlı körpə Toni və Paul McCannin ailəsində dünyaya gəlib. Körpə hələ həddindən çox kiçik olsa da "Salam" mənasına gələn "Hello" sözünü deyə bilir. Körpənin ilk kəlməsini söyləməsi anası tərəfindən video kamera ilə lentə alınıb. 36 yaşlı qadın görüntüləri internetdə yerləşdirib.
Ananın sözlərinə görə, Killiandan əlavə onun daha 3 qızı var. Sofi, Yeva və Elli adlı qızların heç biri bu qədər tez dil açmayıb.
Qeyd edək ki, mütəxəssislər və pedaqoqlar körpələrin 18 aylarına qədər danışmamasından narahat olmamağı məsləhət görürlər.
