Gəncədə 21 yaşlı gənc bıçaqlandı
Şəhər sakini 21 yaşlı İlqar Ağayev bıçaq xəsarəti ilə Gəncə şəhər Təcili Tibbi Yardım Xəstəxanasına gətirilib. Həkimlər dərhal yaralının əməliyyat otağına götürüb.
İlkin müayinədən sonra xəsarətin ciddi olduğu üzə çıxıb.Hazırda reanimasiya şöbəsinə yerləşdirilən gəncin vəziyyəti orta ağır kimi qiymətləndirilir.
İlqar Ağayevin kim tərəfindən bıçaqlanması hələlik məlum deyil.
Polis bu istiqamətdə araşdırmalarını davam etdirir. (Kəpəz TV)
