Dözdüm
Müəllif:Xəlil Adıgözəl
"DÖZDÜM"
Həyat calaq edib ömrümə dərdi,
Qəlbimdə cücərən sevgimi dərdi,
Hər gələn sabaha min ümid verdi,
Qəfil ayrılıqla sınadı...Dözdüm!
Dünya ədalətsiz,balaca və dar,
Hansı üz istəsən bu dünyada var,
Həyatdan soruşdum kimdir günahkar...
Özümü haqqsızca qınadı...Dözdüm!
Gedən gedib artıq,inanma dönə,
Qəlbimi dindirmə,o çətin dinə,
Kim ki,ayrılıqdan bəhs etdi mənə,
Köhnə yaralarım qanadı...Dözdüm!
Sevgi dəryasını sonadək üzdüm,
Sevən ürəyimi eşq üçün əzdim,
Dünyanı bu qədər zalım bilməzdim,
Dərdləri üzümə sanadı...Dözdüm!
Ay Xəlil,dərdini yaz görə-görə,
Yaşadım yüz cürə üz görə-görə,
İtirdim sevgimi göz görə-görə,
Bilirdim hər şeyin sonudu...Dözdüm!
SON
