Axtarırsan
Qəlbimdə sözüm çox, deyə bilmirəm,
Qaçmağa bəhanə söz axtarırsan.
ətrimi duyanda niyə, bilmirəm?
ətrafa gəzdirib göz, axtarırsan.
O lal yaradılmış, səsi olmamış,
Sevgimin qəlbində izi olmamış.
Tüsdüsü olmamış, hisi olmamış,
Yanmayan ocağda köz axtarırsan.
Hikmətli sayılar söz, zamanında,
Səhvinə çox yumdum göz, zamanında.
Özün əyri oldun düz zamanında,
əyrilər zamanı düz axtarırsan.
"Tapılar səndən çox sevən" deyirsən,
Bu nəyə bənzəyir, bərkə bilirsən.
Birdən ona qədər ədəd görürsən,
Onların içində yüz axtarırsan.
Sübhan bahardadır, qışa düşmüsən,
Qumdan qaçan idin, daşa düşmüsən.
Duydum ki, səhvini başa düşmüsən,
Üzümə baxmağa, üz axtarırsan.