Vallah yaşayırıq, ölməyirik ki ….

Dünyaya bir nəzər saldım bir anlıq,
Nədənsə qalıbdır mənə qaranlıq.
Bəs deyil insana həyatda varlıq,
İlahi bəxş edən, bizə bu canı
Qoruyub saxlıya bilməyirik ki ....
...
Ağlımız var ikən ağılsızlaşıb,
Düşüncə , fikirlər, tamam qarışıb.
Özümüzdən kənar,biz uzaqlaşıb,
Gəzirik cahanda aranı - dağı,
Günahı özümüzdə görməyirik ki.....
...
Həsrəti, hicranın biz yollarında,
Dolanıb vüsalın soraqlarında.
Olmuşuq məhəbbət qınaqlarına,
Hamı sevgi deyir, bəs sevgi hanı...?
Alışıb yanırıq, sönməyirik ki,.......
..
Kimisi baş alıb, gedirəm deyir ,
Kimisi qəm yükü , cəkirəm deyir,
Dünənki uşaq da sevirəm deyir,
Sehirli xalatda axtarır Xanı ...
Göz yumub biz buna dinməyirik ki....
...
İnsanlar qəribə olubdur tamam,
Qınağa çevrilib dillərdə zaman,
Dindirsən deyirlər Allah quluyam,
Oyuncaq eyləyir əldə islamı
Sorsan şəhadətin heç bilməyir ki....
…

Seymuram bu günə edirəm şükür,
Bəzən haqsızlıqlar qəlbimi sökür,
Çoxları deyirlər insanlar ölür
Tapır o,dünyada ədalət haqqı,
Vallah yaşayırıq, ölməyirik ki ….



MÜƏLLİF : SEYMUR SÖNMƏZ