Sizə ən çox yaraşan yubka modeli hansıdır?
Qadınlar yubka seçərkən bədən proposiyalarından başqa, həyat tərzini də nəzərə almalıdır. Xarakterini və həyat tərzini geyimlərinə köçürməyi bacarmalıdır. Bəs sizin üçün ən uyğun yubka modeli hansıdır?
Ofisdə işləyənlər - Masa başında çalışan xanımlar üstünlüyü klassik yubka modellərinə verməlidir. Çox hərəkət etmədikləri üçün parlaq və təbii parçalardan tikilən yubkalar geyinə bilərlər.
Hərəkət edənlər - Daima hərəkət edən xanımlar həm rahat, həm də eleqant yubka seçməyə çətinlik çəkirlər. Lakin bu ilin yubka modelləri onların tərəfindədir. Kloş, qırçınlı və valonları olan yubkalar həm rahat, həm də çox eleqnatdır.
İncə belli xanımlar - İncə belli olmaq sübhəsiz ki, bütün xanımların arzusudur. Ancaq qadınların beli olduqca incə olsa da, bəzilərinin ombalar iri olur. Bu tip bədən quruluşuna sahib olan qadınlara dar yubkalar heç yaraşmır. Bu cür bədən quruluşuna sahib olan qadınlara modelyerlər balon yubkalar geyinməyi tövsiyə edir.
Qısa boylu xanımlar - Artıq çəkili və qısa boylu qadınlara qısa yubkalar geyinmək tövsiyə olunur. Yubkanın uzunluğu ən çox dizə qədər olmalıdır. Çünki yubka nə qədər uzun olsa, boyları bir o qədər qısalır.
Arıq qısa boylu xanımlara - da qısa yubkalar yaraşır. Lakin onların başqa alternativləri daha çoxdur. Daha kök görünmək qorxusu olmadığı üçün üzərində əlavələri olan, işləməli yubkalar daşıya bilərlər.
