░ Necə? ░

Yazı insanıyam mәn. Kәlimәlәrim yazarkәn danışar. Danışmaq da düşmür heç mәnә. Heç düşmәyәcәk bәlkә dә. Sәsim necә çatdırsın içimdәki buruqluqları? Gülüşlәri saxta insanlara satıldım mәn, uşaqlıqdan da atam susmağı öyrәtdi mәnә. Heç dә icazә verilmәdi bu günә qәdәr danışmağım. Hәr danışanda ayrı bir günaha girirәm mәn. Necә danışım? Necә deyim sizә axı, baxın, mәnim canımı aldılar mәndәn, baxın, mәn dә sevdim. Yox, mәhәbbәti demirәm. Ailәmi sevdim mәn, dostlarımı sevdim, tәbiәti sevdim, havanı sevdim, sәmanı sevdim. Çox sevdim. Çox şeyi sevdim. Hamısı da xәbәrsiz. Sevgi necә anladılar , başa salınar bilmirәm mәn. Danışarkәn mәnasızlığım da bundandır, inanın. İçimdәkilәrdәn, beynimdәkilәrdәn deyil danışanda dediyim o boş kәlimәlәr. Çoxluqdandır. İçimdәki çoxluqlar. Necә danışım mәn? Necә?! Çoxluğun içindә batıram mәn, İlahi! Necә danışım? Yazar: Pәri Abbaslı Tarix: 10-02-2016