Yeni Sevgili var?

Eşitdim yeni bir sevgilin varmış
Əvəz eliyirmi yenisi məni?
Mən etdiklərimi edirmi sənə?
Görəsən sevirmi mən qədər səni?

Mən etdiklərimi edirmi hər gün?
O səni qısqanıb,qəlbinə salır?
Şirin yuxusundan keçir səninçün?
Gecələr yatmayıb qayğuva qalır?

Mən qədər darıxır sənsiz qalanda?
Hey baxıb yollara gözdüyür xəbər?
Başından bircə tük əskik olanda
Ömründən gedirmi 5-10 il hədər?

Kolgəsi gəzirmi başın üstündə?
Gözündən itəndə olur narahat?
Görüşə geciksən,daşın üstündə
Oturub gözləyir 2-3 saat?

Müəllif: Xanlar Corat