"Qayğı və sevgi iki tərəfli olmalıdır "
Özünüzə acımağa ayırdığınız vaxtı başqalarıyla maraqlanmağa sərf edin. Bəlkə də, siz gecələr yorğanı qucaqlayıb ağlayanlardansınız.Yəni "drama adamı". Amma bizim həyatımız bir drama filmi deyil bunu unutmayın. Arada qəmli mahnı da qurub ağlamayın. Soruşsaq "Həyat məni sıxır" . Bu qədər mənasız cavab eşitməmişdim. Həyat kəmər deyil ki, sıxa. Ya elədi,ya da sən bekarçılıqdan, monotonluqdan sıxılırsan. İnsanların içində ağlamaqdan çəkinməyin. Bu, gülmək qədər normal bir şeydir. Ətrafınızdakı insanlara yaxşılıq edin, dəstək olun. Öz dərdiniz olduqda bunu bölüşməkdən çəkinməyin. "Camaatı sıxmayım" düşüncəsilə yanaşsaz hər şeyə onda bir müddət sonra insanlar sizin bu halınıza öyrəşər və sizin də hissləriniz olduğunu unudar. Mən özüm dəfələrlə görmüşəm demək olar ki, hər gün sevgi və qayğı göstərdiyimiz insanlar ehtiyyacımız olanda necə etinasız yanaşır. "Boş ver" deməyin. Bu da mənasız hesab etdiyim sözlərdən biridir.
