Dəyişdim mən, qəribəliyi yoldaş seçdim.
Qarışıb səslər bir-birinə.Bir tərəfdə dualar,Bir tərəfdə fəryadlar.Dəli oluram deyəsən.Həvəs, tamahkarlıq, narahatlıq və qürur
Əzab verir ruhuma...Hədələyir məni həyatın incə çalarları...Geridə qoyub getdiklərim tutqunlaşmağa cəhd edir.
Və anlayıram ki, arzular uzaqda qalan keçici hiss imiş.
Dəyişdim mən, qəribəliyi yoldaş seçdim...Getdim mən, oynamaq üçün oyundan getdim...Və dayanmışam səhnədə.
Sağ tərəfdə xatirələr,
Sol tərəfdə arzular.
Qarşımda tək tamaşaçı,
O da sənsən.
Yaman səssiz-səmirsizsən.