Allahu Əkbər

18 Ağustos 2014
2 024
0
Allahu Əkbər
Allaha ucalan ulu bir yolun
İlkin pilləsi "Allahu Əkbər"
Haqqı dananların üzünə dəymiş
Haqqın silləsidir "Allahu Əkbər!"

Göylərin nidası ucalıb yerden
Daim xilas edir xeyiri şərdən
Qüdrətli kamili minarələrdən
Gələn nəğməsidir "Allahu Əkbər!"

Məkana, zamana dövrə o soltan
Odur həqiqətə qapılar açan
Möminlik yolunda qəlbə nur saçan
İman şöləsidir "Allahu Əkbər!"

Odundan əriyər sıra dağları
İşığı bürüyər qaranlıqları
Dönmüş ümidləri, batmış haqları
Bir anda isidir "Allahu Əkbər!"

Dünyanın əzəli borcludur ona
O bir pəncərədir əzəldən sona
Görünməz dünyanın var olduğuna
İnam müjdəsidir "Allahu Əkbər!"

Odur əyriliyə düzün həmləsi
Rəhmin ilk nidası, axır cümləsi
Allahın səsidir vicdanın səsi
Vicdanın səsidir "Allahu Əkbər!"

Allahu Əkbər
Əvvəlki Xəbər Növbəti Xəbər
RƏY ƏLAVƏ ET