Sənə Mənsiz Yaşamaq Xoşdur

Bu gündən ağlımdan siləcəm səni,
Sənin həsrətinlə alışmaram mən.
Bəlkə sənə mənsiz yaşamaq
xoşdur.

Səni qaytarmağa çalışmaram mən.







Təzə xoş günlərim başlayacaqdı,
Çəkdim cigərimə həsrət havasın.
Sanki ayrılığa düşman idim mən,
O da məndən belə aldı qisasın.






Sən mənim yanımdan elə yox
oldun,
Samanlıqda iynə itdiyi kimi.
Sən elə getmisən,dönməz sən
geri,
Ölən insanların getdiyi kimi.