Suxarılı yay salatı
Tərkibi:
350 q toyuq filesi
2-3 pomidor
2-3 bolqar bibəri
2 təzə xiyar
80 q çovdar suxarisi
150 q bərk pendir
mayonez - zövqə görə
1 diş sarımsaq
Hazırlanması:
Toyuq ətini suda bişirin, xırda doğrayın (didə də bilərsiniz). Salat qabının dibinə döşəyin.
Pomidoru kubik və ya saman kimi doğraya bilərsiniz. Sarımsağın yarısını əzib bir qabda doğranmış pomidor və azacıq mayonezlə qarışdırın. Bu qarışığı toyuq ətinin üstündən döşəyin (əgər pomidorun suyu çox çıxıbsa, onu əvvəlcədən süzün).
Bolqar bibərini xırda doğrayın. Sarımsağın qalanını da əzib bibər və mayonezlə qarışdırın. Bunu pomidorların üstündən döşəyin.
Xiyarı kubik doğrayıb bibərin üstündən döşəyin. Sonuncu lay suxarılardır. Onun üzərinə nazik qat mayonez çəkin. Pendiri sürtgəcdən keçirib salatın üstünə səpin.
Salatı soyuducuda 1 saat saxlayın.
