Bir təmənnam vardır Uca Allahdan..."

Bir təmənnam vardır Uca Allahdan...""

Bir təmənnam vardır Uca Allahdan,
Mənim də bir gülü-zarım olaydı.
Gecə -gündüz vəsf edəydim hüsnünü,
Təriflərə layq yarım olaydı.
***
Tuta idim pəmbətək ağ əlindən,
Eşidəydim şirin kəlmə dilindən.
Heç nə umma mənim kimi dəlidən,(1)
Düz əhdim,həm düz ilqarım olaydı.
****
İnan mənə,əlimə ver əlini,
Gümüş kəmər incitməsin belini.
Anam da çox sevər səntək gəlini,
Kaş deməyə ixtiyarım olaydı.
***
Mən Mövludam,eşqim dərin dəryadan,
Əl çəkmişəm xəyalətdən,xülyadan.
Gün olacaq köçəcəyəm dünyadan,
Əlbət,çəkən intizarım olaydı.

1)burada:sevən aşiq,məcnun nəzərdə tutulur.



R.t..Zemichka