Namazlarını vaxtında qılmayan şəxs...
Srağagün zöhr və əsr, dünən isə məğrib və işa namazlarını vaxtında qılmayan şəxs bu gün həmin namazların qəzasını hansı ardıcıllıqıa qılmalıdır?
Keçmiş müctəhidlərin bir hissəsi qəza namazlarını qılarkən, günlərin ardıcıllığını şərt bilirdilər. Yəni srağagünə aid olan namazların qəzasını qıldıqdan sonra dünənə aid namazları qəza etməyə icazə verirdilər.
müasir müctəhidlərin əksəriyyəti isə bunu şərt bilmir. Mərhum Ayətullahlar Behcət və Təbrizi ehtiyata görə, günlər arasında ardıcıllığa riayət etməyi buyururdular.
Lakin eyni bir gündə zöhr və əsr namazlarını qılmayan adam onları qəza edərkən ardıcıllığı gözləməlidir. Yəni əvvəlcə zöhr, sonra əsr namazını qəza etməlidir. Çünki bu namazların ədası da mütləq ardıcıllıqla qılınmalıdır, zöhr namazını qılmadan əsr namazını qılmaq olmaz. Məğrib və işa namazları da beləcə.