Dərialtında ağrını hiss etdirən orqan

İsveçdə tədqiqatçı qrup, ağrını necə hiss etdiyimizi dəqiqləşdirə biləcək bir kəşf etdi. Qrup, qlia hüceyrələrinin bir növü olan şvan hüceyrələrinin mexaniki ağrıları hiss etməmizdə böyük bir rol oynadığını göstərir.

İndiki vaxtda bədənimizin bütün hissələrini bildiyimizi və yeni bir orqanın artıq ola bilməyəcəyini fərz edərik, ancaq İsveçdəki bir qrup, müəyyən ağrı növlərini hiss etməmizi təmin edən, hüceyrələrdən ibarət olan kompleks bir şəbəkə kəşf etdiyini dedi. Tapıntı, ağrını necə hiss etdiyimiz və necə azaldacağımız haqqında əhəmiyyətli nöqtələri gün işığına çıxara bilər.

Adətən dərimizdə yaranan hissləri müəyyən sinir hüceyrələrinin həssas nöqtələri ilə qəbul etdiyimiz düşünülməkdədir. Bu sinir hüceyrələri, digər növlərdə olduğu kimi qoruyucu bir miyelin təbəqəsi ilə örtülü deyil. Sinir hüceyrələri, "qlia" adı verilən hüceyrələrə bağlıdır və onlar tərəfindən həyatda qalmaları təmin edilir. Mərkəzi sinir sisteminin xaricində olan qlia hüceyrələrinin ən böyük növü şvan hüceyrələridir.

İşi görən araşdırmaçılar, cümə axşamı günü Science jurnalında işlərini nəşr etdilər. Araşdırmaçılar, şvan hüceyrələrinin öz sinir hüceyrələri ilə digər hüceyrələrdən fərqli şəkildə qarşılıqlı təsir etdiyini kəşf ediblər.