Bəzi sufi təriqətlərində “sima” adlanan rəqsin mənası nədir?

Sima - ərəb dilindən tərcümədə "eşitmək" deməkdir. Dini termin olaraq, müəyyən avaz və musiqi sədaları altında sufilərin vəcdə gələrək, rəqsəbənzər hərəkətlər etməsinə sima deyilir.

Feat.Az islam.az-a istinadən bildirir ki, sima bir çox sufi təriqətlərinin (məsələn, mövləvilik) xarakterik xüsusiyyətlərindən sayılır və bir təriqət ayini kimi icra olunur. Sima ayini ya ağızda oxunan avaz, ya da ney və sairə musiqi alətlərində ifa olunan melodiyanın sədaları altında yerinə yetirilir. Sufi istər azan səsindən, istər Quran tilavətindən, istər külək əsintısindən, istərsə də ney sədasından vəcdə gələrək, simaya hazır ola bilər. Sufilər deyirlər ki, sima zamanı sanki onların qəlbi hərəkətə gəlir. Bəzi şəriət alimlərinin simaya münasıbəti mənfi olmuşdur.