Dünyanın ən qədim şəhərləri
Erixa, Fələstin
Bəzi mənbələrə görə dünyanın ən qədim yaşayış məskəni olan Erixada arxeoloqlar tərəfindən 20 fərqli dövrə aid təbəqə tapılıb və bunlardan ən qədim olanı isə miladdan öncə 11 min il keçmişə gedib çıxır. Qərbi Şəria’da İordaniya çayının yaxınlığında yer alan şəhərdə hələ də 20 minə yaxın insan yaşayır.
Biblos, Livan
Finikiyalılar tərəfindən Gebal olaraq qurulan şəhərin hal-hazırki adı, buradan tütün idxal edən yunanlar tərəfindən verilib. İngliscə “Bible” (İncil) adı Byblos yəni Biblosdan gəlir. Şəhərin diqqətçəkən yerləri arasında Finikiyalılar aid ibadət yerləri, Biblos qalası və St John Baptis kilsəsi var. Biblos şəhərində Biblos Beynəlxalq Festivalı keçirilir. Bu günə qədər, festivalda Keane və Jethro Tull kimi qruplar konsertlər verib.
Şam, Suriya
Bəzi qaynaqlara görə şəhər olaraq insanların məskunlaşdığı ilk yer məhz elə buradır. Şamın yaşayış məskəninə çevrilməsinin b.e.ə 10 min illərə qədər keçmişi olduğu deyilir. Bu şəhərin mühüm mərkəzə çevrilməsi Aramilərlə əlaqəlidir. Aramilər şəhərlərə nümunə olacaq müasir su kanalları qurmuşdular. Makedoniyalı İsgəndərin işğalından sonra şəhər, Roma, Ərəb və Osmanlı imperiyalarının tərkibində olub. Hal-hazırda vətəndaş müharibəsinin və xaosun olduğu şəhər vaxtı ilə turistlərin ən sevimli yerlərindən biri idi.
Fransız yazıçı və tarixçi Hilarie Beloc Şam haqqında belə deyir: “Şam bir simvoldur. Bir simvollar toplusu da deyə bilərik. Tarix boyunca dövlətlərin, müharibələrin və insanlığın simvoludur.”
Hələb, Suriya
4.4 milyonluq əhalisi ilə Suriyanın ən böyük şəhəri olan Hələb b.e.ə 8000 ilində “Halab” adıyla qurulmuşdu. Arxeoloq və tarixçilər tərəfindən çətinliklə qorunmağa çalışılsa da müasir tikintilər və müharibələr antik şəhərin qalıqlarını yox edib. Şəhər, b.e.ə 800 illərində hititlər tərəfindən nəzarət olunurdu. Daha sonra aşurlar, yunanların nəzarətində olan şəhər, Bizans, Roma, Ərəb imperiyalarının işğalı altında da olub. Xaç səfərləri və monqolların istilasını da görən dünyanın ən qədim şəhəri hələ də var olma savaşı verir.
Afina, Yunanıstan
Qərb mədəniyyətinin doğulduğu və inkişaf etdiyi yer olan Yunanıstanın paytaxtı tarix boyu əhəmiyyətli şəhər olaraq qalmağı bacarıb. Bizans, Roma və Osmanlı dövrlərinin tarixi abidələrinə sahib olan əfsanəvi şəhər ən çox turist qəbul edən yerlərdən biridir.
Balx, Əfqanıstan
İlk yaşayışın b.e.ə 1500-ci ildə olduğu təxmin edilir. Antik yunanda “Bactra” olaraq bilinməktəydi. Əfqanıstanın şimalında yerləşən şəhər ərəblər tərəfindən “şəhərlərin anası” adlanır. Hələ də yaşayışın davam etdiyi şəhər bölgənin pambıq mərkəzidir.
Ərbil, İraq
Orta Şərqdə yerləşən şəhər 26 metrlik bir qalaya sahibdir. Fərqli dövrlərdə, Aşurlular, Sasanilər, Ərəb və Osmanlı imperiyasının tərkibində olub. Ərbil eyni zamanda uzun illər İpək Yolunun ən mühüm dayanacaqlarından olub.
Sur, Livan
Qüds, Fələstin
Yəhudilərin mənəvi mərkəzi və İslamın üçüncü müqəddəs şəhərində Ağlama divarı, Məzarlıq kilsəsi, Qubbət-us Sahra və Məscid-i Aksa kimi müqəddəs, tarixi məkanlar var. Tarix boyunca 23 dəfə mühasirəyə alınıb, 52 dəfə hücum olub, 44 dəfə ələ keçirilib və iki dəfə tamamilə dağıdılıb.
Thebes, Yunanıstan
İlk məskənlərin salınması b.e.ə 1400 illərdə olduğu təxmin edilir. Thebes, Boeotia birliyi tərəfindən idarə olunan və Afinanın ən böyük rəqibi hesab olunan şəhər idi. Fars imperatoru İ. Serhas’ın Afinaya hücumunda onlara dəstək olmuşdu. İndilərdə Thebes artıq kiçik qəsəbədir.
