Lobya paşteti (foto-resept)
Tərkibi:
400 q qırmızı lobya
200 q qoz
3-4 diş sarımsaq
duz
qara istiot
üyüdülmüş keşniş toxumu
paprika
150 q yumşaldılmış yağ
Hazırlanması:
Lobyanı artlayıb yuyun, bir gecə soyuq suda saxlayın. Sabahı gün suyunu süzüb təzə su tökün, yumşalınca qaynadın.
Lobyanın qaynadığı sudan 1 stəkan ayırıb saxlayın. Qalanını süzün, gərək olmayacaq. Blenderdə lobya, qoz, ədviyyat, sarımsaq və duzu eynicinsli kütlə alınanadək xırdalayın. Əgər quru alınsa, ayırdığınız lobya suyundan az-az əlavə edin.
Alınan püreni qida plyonkasının üzərinə 1 sm qalınlıqda yayın. Üzərinə yumşaldılmış yağı bərabər şəkildə yayın. Plyonkanın köməyilə rulet kimi bükün. Çox möhkəm sıxmadan plyonkaya büküb soyuducuda 2 saat saxlayın.
Nuş olsun!